පසුගිය දා ලොස් ඇන්ජලීස් නගරයේ පැවති මෝටර් රථ ප්‍රදර්ශණයේ දී අපූරු මෝටර් රථයක් එළිදැක්වූවා. ඒ ජංගම දුරකථනයක මෙන් ස්පර්ශ සංවේදී මතුපිටකින් නිමවුනු සුපිරි මෝටර් රථයක්. Fun-Vii ලෙසින් නම් කොට ඇති මෙම මෝටර් රථයේ බාහිර මතුපිට මෙන්ම අභ්‍යන්තර මතුපිට ද අති විශාල ස්පර්ශ සංවේදී තිරයකින් නිමවා ඇති නිසා විවිධ වර්ණ, විවිධ රටා මෙන්ම විවිධ ජායාරූප පවා එහි දර්ශණය කළ හැක. ඊටත් අමතරව එම තිරයේ ඔබගේ ෆේස්බුක් මිතුරන්ගේ තොරතුරු වැනි දේ පවා දර්ශණය කිරීමට හැක.එසේම මෙය අනගත මෝටර් රථය ලෙස හැදින්වීමට ටොයොටා සමාගම කටයුතුකර ඇත.එබැවින් මෙහි අනාගතලෝකයට ගැලපෙන සියලු පහසුකමක්ම අඩන්ගු කිරීමට ටොයොටා සමාගම කටයුතුකර ඇත. මෙහි සාමාන්‍ය ඉදිරිපස වීදුරුව වෙනුවට විනිවිද පෙනෙනා ස්පර්ශ සන්වේදී තිරයක් යොදා ගනී. එම තිරට මත ඔබගේ කාරය පිලිබඳ සියලු තොරතුරු මෙන්ම සිතියමක්ද දිස්වේ. එසේම ත්‍රිමාන හොලෝගෑම් ගමන් සහයිකාවක් ද ඔබට ලබෙන අතර ඇය ඔබගේ සුවපහසු ගමනට අවැසි සියලුම පහසුකම් සපයනු ඇත. සම්පූර්න මෝටර් රථයම ස්පර්ශ සන්වේදී තිරයකින් නිමවා ඇති නිසා වාහනයේ වර්නය සැනෙකින් වෙනස්කල හැක.ඒසඳහා ඉතා හුරුබුහුටි ස්පර්ශ සන්වේදී දුරස්ත පාලකයක් ද ඔබට ලැබේ.කෙසේ වෙතත් මෙම නිර්මාණය තවමත් මූලාකෘතියක් පමණක් නිසා එහි තාක්ෂණික හා යාන්ත්‍රික තත්වය පිළබඳව මෙතෙක් අදහසක් දක්වා නැත.
